बीड : शालेय शिक्षण व क्रीडा विभागांतर्गत तालुका क्रीडा संकुल अंबाजोगाई यांच्या वतीने कार्यालय इमारत, जीम हॉल, बॅडमिंटन हॉल, चारशे मीटर धावणे, मार्ग आणि विविध खेळांचे मैदान सपाटीकरण आदी तीन कोटी १५ लाख रुपयांच्या विकास कामाचा शुभारंभ पंकजा मुंडे यांच्या हस्ते अंबाजोगाई येथे झाला.
'बीड जिल्हयातील क्रीडा क्षेत्राचा विकास करण्यासाठी सरकारच्या माध्यमातून आपण प्रयत्नशील असून या भागातून चांगले खेळाडू तयार झाले पाहिजेत यासाठी पोषक वातावरण निर्माण करू. क्रीडा संकुल खेळाडूना नक्कीच उपयोगी ठरणार आहे. यासाठी निधी कमी पडू देणार नाही,' अशी ग्वाही त्यांनी या वेळी दिली. संगीता ठोंबरे, आर. टी. देशमुख, नगराध्यक्ष रचना मोदी, भाजपचे जिल्हाध्यक्ष रमेश पोकळे आदी या वेळी उपस्थित होते.
